Geliefde Mede-pelgrim na die ewigheid!

"Daarom kan Hy...JESUS CHRISTUS.... ook volkóme red die wat deur Hom tot God gaan, omdat Hy leef om vir hulle in te tree!" Heb 7:25
Wonderbaarlike gedagte en feit: dat die Seun van God...die Almagtige Skepper en Herskepper vd mensdom...VIR MY NIETIGE SONDAAR MENS BID! Dit gaan my verstand te bowe...dit vul my met vreugde en dankbaarheid! God sal altyd Sy Seun se gebede beantwoord! Mag ek saamstem met Sy gebede!!

HARTSEER: Baie van ons vriende en familie worstel met die corona. Ons BID vir julle!!! Ons dank God vir elkeen wat dit oorleef! Elreza se sussie Barbara en Fanie het van Bloemfontein spesiaal gery vir Elsa Mulder se begrafnis te Welkom. So hartseer dat 81jarige Thys nou alleen is Mag!! Mag die Here almal vertroos en die leë plekke vul met Sy teenwoordigheid.  Ook die onrus het groot angs en swaarkry oor ons gebring. Dankie aan die Vredevors wat steeds by ons is en sorg!

TELEURSTELLING OMGEKEER: Ons het uitgesien na 'n week by Makarios,  maar moes dit kanseleer agv ons land se onsekerhede. God keer dikwels teleurstelling om en Shai is dankbaar dat hy die woonstelbouery  feitlik kon voltooi! Die studente wat hier is saam met Desemba het baie hard gewerk om alles te probeer voltooi!

SONDAG SE PREEK: Dit was weereens net op WhatsApp  oor: VREES met 4 punte:
GOD'S PRESENCE
GOD'S POWER
GOD'S PROVISION &
PRAYER that makes everything possible through JESUS CHRIST!

NUWE STUDENTE: Ons is dankbaar vir nuwe studente wat nou aansoek doen vir a.s jaar.  Aansoekvorms is op ons webwerf: www.bbmission.co.za ASB staan ons by met bemarking en uitkyk wie geroep is...wie moet kom?? Ons waardeer jou gebede en ondersteuning!!

JESUSFILM OPLEIDING: Dit was 'n vreugde vir 'n paar van ons studente en personeel wat die opleiding olv Willem Kelber  per zoom kon doen. Hy het dit uitstekend aangebied sodat ons per WhatsApp  hierdie film nou kan aanbied!

TUINE UITLEG: Ons is opgewonde dat Frans  en Ilze Cronje aangebied het om ons tuine veral om die biblioteek te kom uitlê. Ons bid vir sy gesondheid! Ons verwag hulle eersdaags.

ZOOM VREUGDE: Ons het ons 8 kinders en 14 kleinkinders amper 3 jaar laas gesien. En nou is onse Vader só vriendelik dat ons met Zoom mekaar kan sien en saambid en gesels!! Groot vreugde!!

KRUIS GEBEDE: Ons beleef groot dankbaarheid dat ons daagliks die bult kan uitdraf en saam kan bid by die kruis! "Kom kniel by die kruis....want Jesus ontmoet jou daar!"

TERBLANCH'E: Het gebel dat hulle soja en rys vir ons het. Nou moet ons 'n plan maak vir die aflewering! Báie dankie!!

Met diep dankbaarheid vir jou gebede, gawes en ondersteuning....ons kan nooit genoeg dankie sê nie!!!

Met liefde van Golgotha en diep uit BBM harte!!

Shai en Elreza en almal binne en buite BBM....oppad huis toe vir 10 dae kwarantyn....
Bid asb vir die derde kwartaal wat 26 Julie begin!
" VERTROU OP DIE HERE MET JOU HELE HART!" Spr 3:5
Webwerf:  www.bbmission.co.za
0833066323

NetObjects Fusion 2015